77. Péronne

Il aurait fallu rester plus longtemps à Guise pour s'imprégner des lieux et de leur histoire, lire les écrits de Godin pour découvrir et comprendre sa pensée et ses engagements. Il aurait fallu ester plus longtemps à Guise pour rencontrer ceux qui vivent encore au Familistère et ceux qui savent ce qui s'est joué là. Il aurait fallu rester plus longtemps à Guise pour comprendre surtout ce que l'utopie qui s'y est réalisée aurait encore à nous apprendre pour aujourd'hui. Elle semble tellement moderne.

Ni devus resti pli longe en Guise por ĝisfunde viziti la lokon kaj ĝian historion, legi la librojn de Godin por malkovri kaj kompreni lian pensadon kaj liajn batalojn. Estus necese resti pli longe en Guise por renkonti tiujn kiuj ankoraŭ loĝas en la Familistère kaj tiuj kiuj scias kio okazis tie. Estus necese resti pli longe en Guise por kompreni antaŭ ĉio, kion la utopio, kiu tie okazis, povas ankoraŭ instrui nin por hodiaŭ. Ĝi aspektas tiel moderna.

Sed, ankoraŭ, ni vojaĝas, laŭdifine, ni do devas foriri. Nova emocio aŭ renkonto forpelas la alian aŭ, pli bone dirite, kovras ĝin kaj miksiĝas en ĝi. Vojaĝado estas magmo de emocioj, plezuroj, renkontoj, de bedaŭroj ankaŭ : ni foriris tro rapide, ni ne ĉion rakontis unu al la alia, ni ne vidis ĉion — ĉu eblas ? -, ni devus, ni povus... sed se ni restus ankoraŭ kaj ankoraŭ, la vojaĝo ne plu estus vojaĝo.

Do ni forlasas Guise ĉi-matene. Ni prenas la "verdan akson de Thiérache", kiu kondukis nin tie hieraŭ. Ĝi estas bela gruzita verda vojo, kiu kuras sub kovrilo, rapida kaj agrabla, ombrita.

Poste, ni forlasas la Oise-valon. Temas pri iri al tiun de Somme por atingi Péronne. De unu akvodislimo al alia, la tago estas pasigita supren kaj malsupren. Longaj grimpadoj je 4 aŭ 5%, neniam neeblaj sed neniam facilaj tamen. La tago estas pli laciga ol ni imagis. 

La pejzaĝo estas mirinda. Ĉi tie oni kultivas terpomojn kaj betojn, maizon kaj cerealojn. Estas ankaŭ paŝtejoj kaj dezertejoj. En ĉi tiu tempo la terkulturistoj multe laboras kaj la laboro ne estas ĉie en la sama stadio. La rezulto estas senfineco da koloroj, kiuj varias laŭ la grado de matureco de la planto kaj la laboro jam farita sur la kampoj. Ĉi tie oni rikoltas la maizon kaj la tero estas blanka pro la folioj kaj tigoj kiuj restas tie, falinta spiko ĉi-tie kaj tie alportas tuŝon de flavo. Aliloke, ĝi ankoraŭ staras kaj, de la piedo ĝis la supro de la planto, la koloroj varias de bruna ĝis verda. La grundoj eĉ ne ĉiuj havas la saman koloron. Tute nigra ĉi-matene, poste pli ruĝa poste pli heligita de la blanka kreto.

La kurboj de la montetoj estas mildaj. Ĉiu havas sian formon, pli rigida ĉi tie, pli volupta tie. Plie, la maniero kiel ili kongruas en la fona ĉielo karakterizas ilin : depende de ĉu ĝi estas blua, aŭ loĝata de nuboj, ĉu ili estas blankaj aŭ grizaj, ili alprenas tre malsaman aspekton. La elementoj kiuj rompas la perspektivon, izolita arbo, traktoro en laboro, arbareto aŭ vilaĝo en la malproksimo aldonas al ĉi tiu simfonio. Kiel oni ŝatus regi la arton de fotarto por fiksi ĉi tiujn mirindaĵojn. Bedaŭrinde, ne eblas, precipe ĉar mi devas plubicikli. Mi ne havas la tempon elekti angulon, kapti la lumon, atendi ĝis neniu nedezirata elemento estas en la pafo.

Alveninte en Péronne, ni renkontas Martine, biciklantinon el Vernon, normandan kiel ni kaj kiel ni membron de Warmshowers. Ŝi proponas al ni trinkaĵon, kiun ni kune trinkas sur la teraso de kafejo. Ni diskutas kompreneble pri (biciklaj) vojaĝoj.

Dum la tago progresas, la ĉielo fariĝas nuba, la nuboj griziĝas kaj formas kovrilon. Ĉirkaŭ je 17:30, la pluvo falas. Ni vidos, ĉu estas iom aŭ multe, ĉu por kelkaj momentoj aŭ por la nokto – tio estus bone, precipe ĉar ni ankoraŭ dormas sub tegmento ĉi-nokte, ĉe Olivier kaj Valérie. Valérie estas fratino de Isabelle, nia amikino el Havro, kiun ni renkontis pasintjare ie apud Strasburgo dum nia bicikla turneo ĉirkaŭ Francio.

Ankoraŭ devus pluvi morgaŭ la tutan tagon, laŭ Météo France – ni estos iom pli embarasita pro tio sed, en Amiens, ni ankaŭ ne tendumos, ni luis Air Bnb tie. La antaŭvidoj ankoraŭ estas por pluvo por la sekvaj tagoj, pli ĝenos nin ĉar ni tendumos sed ni ne povas ĉiam pasi inter la gutoj. Cetere ĉar multaj atendas ĉi tiu pluvo .